Lege/ Legespesialist 100% fast stilling

AiR søker primært etter spesialist innan fysikalsk medisin og rehabilitering, men søkjarar med spesialitet/klinisk erfaring innan allmenn-, arbeids- eller samfunnsmedisin er og aktuelle. Det kan og vera aktuelt for legar som ønskjer å ta spesialisering innan allmennmedisin.

AiR er svært utviklingsorientert, og ligg langt framme når det gjeld å nytte digitale verktøy i oppfølging og behandling av deltakarar. Dei siste åra har AiR satsa særleg på rehabilitering av unge vaksne (18-30 år).

Me arbeider i tverrfaglege team som består av lege, fysioterapeut, arbeidskonsulent, idrettspedagog og psykolog/samtaleterapeut. Som lege bidreg du med medisinsk fagleg kompetanse i klinisk praksis og tverrfaglege vurderingar.

Faglege kvalifikasjonar:

• Norsk autorisasjon som lege
• Erfaring frå og/eller interesse for fagfeltet arbeidsretta rehabilitering
• God kommunikasjons- og samarbeidsevne
• God skriftleg og munnleg framstillingsevne
• Personlege eigenskapar vert vektlagde

Me tilbyr:

• Eit spennande tverrfagleg arbeidsmiljø
• Fagleg utvikling internt, gjennom vidareutdanning, kurs og eventuelt som del av eit spesialiserings løp
• Arbeidstid: Kvardagar kl. 08.00-15.30
• Konkurransedyktige løns- og pensjonsvilkår
• Hjelp til å skaffe bustad

Om du er interessert i natur og friluftsliv vil omgjevnadane i Rauland kunne gje deg rike opplevingar gjennom alle årstider.

Les meir om AiR på: www.air.no . Me ser fram til å høyre frå deg.

Søknadsfrist 15. november 2023

For meir informasjon, kontakt:
Leiar klinikk AiR, Guri Sogn-Larssen, tlf. +47 414 33 433 / guri.sogn-larssen@air.no eller medisinskfagleg ansvarleg ved AiR, overlege Ottar Berg, tlf. +47 952 84 240