Legespesialist i fysikalsk medisin og rehabilitering i Oslo

Rehabiliteringssenteret AiR jobbar for å hjelpe menneske å koma i arbeid, trass helseplager. AiR er det leiande fagmiljøet i landet innan arbeidsretta rehabilitering (ARR), og del av spesialisthelsetenesta. 
AiR meiner helse og arbeid heng nært saman, og me jobbar difor i tverrfaglege team, som saman med deltakarane lyfter fram ressursar og moglegheiter for å koma tilbake i arbeid.

Senteret har to avdelingar, hovudsenteret ligg i Rauland i Telemark, og ei avdeling i Oslo. Det er ved denne avdelinga me no har ledig stilling som legespesialist innan fysikalsk medisin og rehabilitering. 

Oslo-avdelinga opna januar 2023 med eit dagtilbod innan ARR. Dette er ei spennande og framtidsretta avdeling der me kombinerer fysiske undervisningsøkter med digitale økter og -verktøy.