Vikariat for Lege i spesialisering i øyre-nase-halssjukdommar

Klinikk for hovud-hals, Haukeland universitetssjukehus, har ledig 1 års vikariat som lege i spesialisering i øyre-nase-halssjukdommar, alternativt 18 månaders gruppe 1-teneste.

Klinikk for hovud-hals har totalt 140 årsverk. Årleg blir det utført til saman i overkant av 44.000 konsultasjonar, utgreiingar og behandlingar. Klinikk for hovud-hals består av Kjevekirurgisk avdeling og Øyre-nase-halsavdelinga. Klinikken har ansvar for drift av sengepost Hovud-hals og Øye for voksne, inneleggande pasientar. I tillegg disponerer klinikken sengeplassar ved Barnekirurgisk sengepost. Klinikken har ansvar for drift av ulike poliklinikkar for både voksne, og barn og unge. Klinikken drifter to dagkirurgiske einingar, disponerer totalt 10 operasjonsstuer ved Sentraloperasjon (SOP) kvar veke og 5 operasjonsstuer for barn og unge i Glasblokkene.

Tilsetting etter nærare avtale. Vikariatet kan telje som del av spesialistutdanninga.

Arbeidsoppgåver

• Utgreiing, diagnostisering og behandling av pasientar
• Deltaking i tverrfagleg teamarbeid
• Gi rettleiing og undervising
• Forholda blir lagt til rette for deltaking i undervising, kurs, etterutdanning og forsking
• Moglegheit for deltaking i klinikkens vaktordning

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i stilling i øyre-nase-halssjukdommar
• Må meistre norsk, både skriftleg og munnleg 
• Søkar bør ha ØNH-erfaring

Personlege eigenskapar

• Ha respekt for kvar enkelt pasient
• Bidra til eit godt arbeidsmiljø
• Må trivast i eit aktivt og travelt miljø
• Samarbeidsvillig
• Du må kunne arbeide godt både sjølvstendig og i team
• Du trivast med å arbeide i eit tverrfagleg miljø og meistrar høgt tempo 

Vi tilbyr

• Lønn i samsvar med gjeldande overeinskomst
• Høgt fagleg nivå
• Gode pensjons- og forsikringsordningar
• Triveleg arbeidsmiljø 
• Ein arbeidsplass som er ei inkluderande arbeidsliv-bedrift (IA-bedrift)

Føretaksgruppa i Helse Vest ønsker å spegle mangfaldet i befolkninga i rekrutteinga vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.