Overlege til Medisinsk avdeling

Voss sjukehus, Haukeland universitetssjukehus har ledig fast stilling som overlege ved Medisinsk avdeling. 

Stillinga er knytt til Medisinsk avdeling med for tida 6-delt generell indremedisinsk vaktordning for overlege som bakvakt for LIS 1 og LIS 2/3. Vi ynskjer kandidatar frå fagfelta nefrologi, kardiologi, lunge, gastro, hematologi, infeksjonssmedisin, akutt- og mottaksmedisin, geriatri og endokrinologi. Vaktordninga er basert på til stades- og heimevakt. 

Litt om avdelinga:
Medisinsk avdeling har i dag sju overlegestillingar og dekkjer spesialitetane lungemedisin, nefrologi,
fordøyelsessjukdomar, geriatri og kardiologi. Avdelinga har ein sengepost med 26 senger,
1 dagpost for medisinske kurar, dialyseavdeling, intensiv/overvakingsavdeling
med 6 sengeplassar. Det arbeider 20 legar ved avdelinga: 7 overlegar, 8 LIS 2/3 og 5 LIS1.

Generelt om Voss sjukehus:
Voss sjukehus har akuttberedskap innan ortopedi, kirurgi, indremedisin, føde, gynekologi og anestesi. Opptaksområdet er på om lag 30.000 innbyggjarar, fordelt på seks kommunar. I tillegg kjem det pasientar vi avlastar Haukeland universitetssjukehus for, frå Bergen og kommunar frå Sogn og Hardanger. 

Litt om Voss:
Voss herad aukar folketalet og har for tida 15.800 innbyggjarar og staden har flott natur som gjev særs gode høve til naturopplevingar og - aktivitetar for born og vaksne innan ei heil mengd ulike idrettar samt ein flott golfbane. Me har gode rabattordningar. Ekstremsportsmiljøet er viden kjent gjennom til dømes Ekstremsportsveko. Kulturlivet er rikt og variert, med Vossa Jazz. Bluesfestival og Osafestival. Det er eit godt utbygd skuletilbod med to nye vidaregåande skular. Det er god kommunikasjon vestover til Bergen/ Flesland og austover til Oslo.

Å bu på Voss 

Arbeidsoppgåver

• Poliklinikk
• Dagbehandling
• Vurdering av tilvisingar
• Visitt på sengepost
  
• Delta i indremedisinsk bakvakt
• Rettleiing og undervising av LIS2/3

Kvalifikasjonar

• Du har norsk autorisasjon og spesialistgodkjenning i relevant fagfelt innan indremedisin
• Du må meistre norsk språk både skriftleg og munnleg
• Du behandlar pasientar profesjonelt og empatisk, er imøtekomande og viser respekt
• Du bidreg positivt til eit fagleg og kollegialt godt miljø 
• Du har engasjement for fagfeltet og ynskjer å vidareutvikle kompetansen din 
• Det blir lagt vekt på relevant yrkeserfaring og klinisk erfaring 

Personlege eigenskapar

• Du kommuniserer tydeleg og forståeleg med pasientar og andre samarbeidspartnarar
• Du har god fagleg vurderingsevne, og arbeidar strukturert og målretta på jobb
• Du etablerer gode samarbeidsrelasjonar til alle nødvendige yrkesgrupper
• Du har oversikt over eigne oppgåver, også under skiftande omstende.
• Du kan delegere og følgje opp delegerte oppgåver 

Vi tilbyr

• Eit aktivt og trivleg arbeidsmiljø. Hjå oss helsar vi på kvarandre i gangane og har ein kantinekultur vi er stolte av 
• Ein sterk identitet som ei av Noregs mest kjende kulturbygder, og tek vel i mot nye innbyggjarar 
• Løn i samsvar med gjeldande overeinskomst mellom Helse Bergen og Dnlf
  
• Gode pensjons- og forsikringsordningar
• Voss sjukehus vil kunne hjelpe med å finne passande bustad 

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.