Fastlege

Om stillinga
Ledig 100 % stilling som fastlege i perioden 01.12.2024 - 30.11.2025. Jobb hjå oss vil gje deg spesielt god moglegheit til å verta kjend med kommunen og lokalsamfunnet, og du vil få faglege utfordringar utover det kommunestorleiken elles kunne tilseia, og dessutan stor allsidigheit i arbeidsoppgåvene. 

Eidfjord kommune har i dag to faste legestillingar, i tillegg til turnuslege (LIS 1). Andre stillingar ved helseavdelinga er; helsesjukepleiar, jordmor, barnekoordinator, BTI koordinator, psykiatrisk sjukepleiar og kommunepsykolog, fysioterapeutar, diabetessjukepleiar, og sjukepleiarar. Stillinga kan innebera tilsyn ved Bygdaheimen.

Arbeidsoppgåver

• Betene fastlegeliste på opp til 650 pasientar 
• Deltaking i Voss interkommunale legevakt med vaktbelastning rundt 30 vakter per år
• Kollegial fråværsdekning på legekontoret i ferie, og anna fråvær
• Kommunale oppgåver som dagberedskap, visitt på sjukeheim og liknande 

Kvalifikasjonar

• ALIS eller Spesialist i allmennmedisin Side 2 av 3 
• Norsk autorisasjon med godkjenning for arbeid i fastlegepraksis og legevakt 
• Førarkort klasse B 
• Beherske norsk - både skriftleg og munnleg 
• God kjennskap til norsk helsevesen 

Personlege eigenskapar

• Evne til å gjera sjølvstendige vurderingar og ta eigne faglege avgjerdslar 
• Evne til å skape gode relasjonar 
• Gode samarbeidsevner 
• Fagleg engasjement og utviklingsorientert 
• Iniativrik og engasjert 
• Målretta og strukturert 
• Positiv og lojal 
• Personlege eigenskapar vert vektlagt

Kommunen kan tilby

• Godt og inkluderande arbeidsmiljø med humor og takhøgde 
• Dyktige og engasjerte kollegaer 
• Konkurransedyktig løn 
• Kommunen er godkjent utdanningsinstitusjon for allmennmedisin 
• Ei helseavdeling med eit godt utstyrt legekontor med m.a. ultralydapparat, EKG, 24t BT, spirometri og lab 
• Ambulanse stasjonert i bygda 
• Bedriftshelseteneste 
• Moglegheiter for personleg og fagleg utvikling 
• Gode pensjons- og forsikringsordningar 
• Bedriftshelseteneste 
• Moglegheit til å leige Eidfjord kommune si hytte på Hardangervidda 

Andre opplysingar
I Eidfjord kommune alle som skal arbeide innan helse og omsorg eller med barn, unge og menneske med nedsett funksjonsevne vise politiattest før tilsetjing. Denne må visast ved tilbod om tilsetjing og skal ikkje leggjast ved søknaden. I samsvar med offentleglova kan me vera forplikta til å offentleggjere opplysningar om søkjarar som har bedt om å verta unntatt offentlegheit.

Om Eidfjord
Eidfjord ligg inst i Hardangerfjorden, med fjord, fjell og vidde som næraste nabo. Kommunen har om lag 960 innbyggjarar, men er stor både i areal og hyttebygging. I avstand ligg me ca. 1,5 timar frå Geilo, 45 minutt frå Voss og 2,5 timar frå Bergen. I Eidfjord bur du i distriktet, men samstundes rett i nærleiken av hovudvegen mellom aust og vest. Her får du friluftsliv utan kø, både grøn vår og kvit vinter innanfor 30 minutt, moglegheit til garnfiske på statsallmenninga og tilgang til kommunal hytte i Hardangervidda nasjonalpark.