Lege i spesialisering - Hjartesjukdommar

Helse Bergen, Haukeland universitetssjukehus har ledig stilling som lege i spesialisering i hjartesjukdommar. Stillinga er ledig frå primo mars, med moglegheit for tidlegare start. Den som blir tilsett, tar del i vaktordninga for Hjarteavdelinga. 

Hjarteavdelinga ved Haukeland universitetssjukehus er ei spesialavdeling der all utgreiing og behandling av hjartesjukdommar er samla. Avdelinga driv høgspesialisert utgreiing og behandling innan følgande område: Ikkje-invasiv biletdiagnostikk, invasiv koronardiagnostikk/terapi og perkutane ventilimplantasjonar, toraks-kirurgi, intensiv- og overvakingsmedisin, pacemaker-, ICD- og CRT behandling, hjartesviktpoliklinikk, tachyarytmi, preventiv kardiologi og kongenitt kardiologi. Medisinsk utvikling er framtredande, og forskingsaktiviteten er høg. Hjarteavdelinga har to store sengepostar, ei intensiv- og overvakingseining, ein stor torakskirurgisk post, eiga pacemaker-operasjonsstove, fire torakskirurgiske operasjonsstover medrekna hybridstove, tre laboratorium for koronar angiografi/PCI, to elektrofysiologilaboratorier og fleire spesialpoliklinikkar.

Stillinga tel som del av spesialistutdanninga innan indremedisinske fag og hjartesjukdommar. Etter fullført spesialisering vil stillinga bli omgjort til stilling som legespesialist.

Arbeidsoppgåver

• Primærvakt for Hjarteavdelinga
• Poliklinikk
• Visittgang og postdrift
• Opplæring og deltaking i ulike kardiologiske prosedyrar
• Undervisning
• Forsking/kvalitetssikring

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 2/3-stilling i hjartesjukdommar
• Søkar må meistre norsk munnleg og skriftleg

Personlege eigenskapar

• Samarbeidsorientert, strukturert og løysingsorientert
• Stor arbeidskapasitet, effektiv og fleksibel
• Evne til å syne trivsel i eit aktivt og endringsorientert miljø
• Interesse for forsking

Vi tilbyr

• Lønn i tråd med tariffavtale
• Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring
• Høgt fagleg nivå
• Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.