Er du ein engasjert augespesialist som ønskjer å vere med på spennande satsingar og utvikling i eit sterkt fagmiljø?

Vi er eit passe stort legemiljø, med totalt 9 legestillingar. Seksjonen har òg optikar, ortoptist, sjukepleiarar, augesjukepleiarar og oftalmologteknikarar.
Vi ønskjer og treng å bli fleire for å lukkast med store og spennande satsingar i åra som kjem.

Om oss:
Augepoliklinikken SNR tilbyr behandling innan augesjukdommar til pasientar i Romsdal og på Nordmøre, og dekkjer med det eit folketal på omkring 120 000. Hovuddrifta er i dag ved Molde sjukehus, som seinare flyttast til det splitter nye akuttsjukehuset på Hjelset våren 2025.

Størstedelen av den daglege aktiviteten vår er ved poliklinikken, der alle legar har kvart sitt godt utstyrte kontor til polikliniske undersøkingar. Katarakt-, glaukom- og strabismeoperasjonar skjer i operasjonssal som er integrert i operasjonsavdelinga ved sjukehuset. Andre kirurgiske inngrep blir utførte på ei skiftestove ved poliklinikken.

Vi har ei seng på felles kirurgisk sengepost. Denne blir i all hovudsak brukt til enkelte akuttilfelle, ved overflytting frå andre sjukehus og etter nokre kirurgiske inngrep.
Vaktordninga baserer seg i stor grad på heimevakt ettermiddag/kveld/natt og i helgar.

Vi søkjer deg som er engasjert i faget og ønskjer ein variert kvardag.
Legar som har kort tid igjen av spesialiteten blir oppmoda til å søkje.

Er du i tvil? Søk likevel! Vi vil gjerne kome i dialog med deg. Vi tilset aktuelle kandidatar fortløpande.

Arbeidsoppgåver

Vurdering, utgreiing og behandling av pasientar
Deltaking i fagutvikling, rettleiing og undervising

Kvalifikasjonar

Norsk spesialistgodkjenning i augesjukdommar
Gode norskkunnskapar er heilt avgjerande for forsvarleg pasientbehandling. Søkarar som har eit anna morsmål enn norsk, svensk eller dansk, og som ikkje har fullført vidaregåande skule på norsk, må minimum ha bestått Bergenstesten eller ei anna norsktest på B2-nivå. Dokumentasjon må leggjast ved søknaden.

Personlege eigenskapar

Du har høgt fagleg nivå og engasjement for vidareutvikling av fagområdet
Du har gode samarbeidsevner på tvers av profesjonar
Du er god til å rettleie legar i spesialisering og til å lære opp mindre erfarne kollegaer i ein atmosfære prega av tryggleik, tillit og gjensidig respekt
Du er raus og respektfull i møte med kollegaer, pasientar og samarbeidspartnarar
Du verdset kollegaer sin kompetanse og erfaring, og bidreg aktivt i faglege refleksjonar

Personleg eignaheit og gode samarbeidsevner vil bli vektlagde